یو آئی ڈی اے آئی نے 111 کروڑ سے زیادہ آدھار کارڈ جاری کئے

الیکٹرانکس ، اطلاعاتی ٹیکنالوجی اور قانون و انصاف کے مرکزی وزیر روی شنکر پرساد نے کہا ہے کہ 68 ویں یوم جمہوریہ پر بھارت کی منفرد شناخت کی اتھارٹی ( یو آئی ڈی اے آئی ) نے 125 کروڑ سے زیادہ کی آبادی میں 111 کروڑ آدھار کارڈ بنا کر ایک اور سنگ میل طے کیا ہے۔منفرد قسم کی بایو میٹرک پر مبنی شناخت کے دنیا کے اِس سب سے بڑے پروگرام آدھار کو ، جس میں فوری طور پر تصدیق کرنے کی سہولت موجود ہے ، اقوام متحدہ کی عالمی سماجی صورت



حال کی 2016 کی رپورٹ میں ایک شاندار ترقیاتی نظام کے طور پر تسلیم کیا گیا ہے ، جس میں غریب سے غریب تر اور محروم ترین لوگوں کو شامل کرکے انہیں ایک با ضابطہ شناخت فراہم کی گئی ہے اور یہ عوام کے لئے حکومت کے فوائد اور خدمات تک رسائی کو آسان بنانے کاایک نہایت موثر قدم ہے ، جس سے سماجی اور اقتصادی تقسیم کاری میں انصاف کوبڑھاوا دیا جا سکا ہے اور اس میں کوئی بھی پیچھے نہیں رہا ہے۔آدھار کارڈ کی تیاری 111 کروڑ سے تجاوز کر گئی ہے۔